Caraja mis Herz❤️
15.5 Jahr hesch du eus begleitet und ich chans au nach 2 Mönet ned fasse, dass du eus hesch müesse verlah… Was würd ich ned alles geh zum bi dir chönne z'sii, dich umarme, nie meh loslah, mis Gsicht i dis Fell z'drucke und dir sege wie unendlich fest ich dich liebe und immer liebe wird❤️. Ich han derfe mit dir ufwachse, so vieli und schöni Erinnerige derfe sammle und es unglaublich bericherets Lebe mit dir bzw. durch dich derfe füehre. Es isch ned eifach gsi dich gah z'lah, aber irgendwenn mag au die Stärchsti und Beschti nümme, leider isch das unumgänglich… Eifacher wirds weg dem glich ned und ich wünschti d Ziit zrugg chöne dreie und mit dir kuschelnd ufem Bode chöne z'ligge. Du hinterlahsch en unglaublich grossi Lücke i eusne Herz und hesch en Teil devo mitgno. Mer muess funktionere, mache und tue, aber sitt du nüme da bisch macht so vieles kei Freud meh… Mir vermissed dich jedi Sekunde… Ich hoffe und warte uf de Tag wo ich dir hoffentlich wieder derf begegne, dich derf umarme und streichle und eifach nümme vo dinere Siite wiiche…❤️❤️ bitte wart uf eus min Engel❤️
08.11.2007 – 31.07.2023