Filou, 12.03.2015-01.02.2019

Liabe Filou
Du bisch eine vude tollste und witzigste Chatze gsi. Du hesch üs oftmals zum lache bracht und füren jöö-Moment gsorgt. Du bisch üses Baby gsi. Miar hend no nie e Chatz erlebt wo gmiaut het, damit sie chan dur die ganzi Wohnig treit werde oder wo soo viel Ufmerksamkeit brucht het wie du. Flausche hetisch du 24/7 chöne und hetisch immernanig gnuag devo kah. Gutzis die hesch au gliabt, riesigi Auge hesch becho womers nur erwähnt het. Leider hets au paar unschöni Moment gäh. Du bisch sehr iversüchtig gsi und da isch schomal es Pipi gflosse oder wo du de Balkon durab keit bisch, dur all die Abschrankig ayy Filou en ganz liabe, aber au en Frechdachs bisch gsi. Miar hend immer alles gäh, dass du und din gliabte Brüader „Mäxli“ glücklich gsi sind. Iahr hend fast alles becho.
Din Gang zur Regebogebrugg isch viel zfrüah cho us üserer Sicht. Immerhin hesch du gwarte bisi zrugg vum Spital cho bin. Bisch namal richtig im Mittelpunkt gstande und hesch 3 Gutzeli becho. Nur leider het dis Herzli nüme welle mitspiele und du bisch vu üs gange. Miar chönds immernanig gnau fasse und vermissed di ganz fest chline Stinker.
Miar wünsched diar uf dem Weg, dass du glücklich bisch im Katzehimmel und dass diar au döt ah nüt fehle tuat. Miar werdet üs immer ah di erinnere, du bisch en ganz spezielle und schöne Kater gsi. Eine womer nie vergisst. Miar hend di ganz fest liab, danke für die churzi jedoch schöni Ziit bi üs.
In Liabi,
dini Mama, Papa und Mäxli