Hallo üse chline Kuschelbär
Papi und Mami chönts no immer nonig ganz realisiere, dass nüm da bisch. Du fehlsch üs so unheimlich fest, dass es üsi Herze zerriesst. Du bisch üses ein und alles gsi. Mir erinneret üs als mir dich s'erstemal gseh hebt, es isch Liebi uf de ersti Blick gsi. De Dziadek het no gseit das en chline Frechdachs bisch und tatsächlich! Das bisch du gsi. Mir vermisset dis belle, dis jaule, dis chnurre, dini Gsichtsudrück, dis Füdli wod bim laufe immer so herzig gschwinkt hesch, eifach ALLES vermisse mir a dir! Ich wünscht mer ich het dich chöne rette. Es tut mir sooo leid han ich dich ned chöne beschütze vor dem Autofahrer wo eifach geflüchtet isch. Er het mer s'beste weggnoh! Du bisch min beste Fründ gsi i all dene Jahr, du hesch so viel mit mir duregmacht und bisch nie vo minere Siete gwieche. Mir vermisset es mit dir z'spiele, mit dir und de Milli go laufe z'gah, mit dir in See go bädele z'gah, dir Stöckli z'rüehre und vorallem mit dir z'kuschle. Du bisch üse schmusebär gsi. Jede Morge sobald ich d'Auge ufgmacht ha, bisch uf mich gumpet und hesch mis Gsicht abgschläckt, Gott wie ich das vermisse!!!! JAMIRO ÜSE CHLI SCHATZ, Papi, Mami und Milli werdet dich nie Vergesse, du hesch üses Lebe so prägt gha! Du hesch üses Lebe verschönert und üs immer wieder zum lache bracht und für das werdemer dir für immer dankbar si. Danke hesch üs mit Liebi erfüllt, dis Herz isch amel fast platzet vor lauter Liebi für üs und Milli! Jamiro, mir werdet üs eines Tages wieder gseh und werdet all zämme wieder vereint si. Grüess Cindy und de Dziadek Teofil vo mir. Luegsch das ned z'wild im Hunde Himmel bisch, gell. Bis bald üses Herz