A euse allerliebsti Louie <3
Jetzt isch es genau 2 Wuche her sit de Autofahrer dich viel z früeh usem Lebe grisse het. Und denn isch er eifach wiitergfahre und het dich ligge lah, so öbis hesch du nöd verdient! Mir sind unendlich trurig dass mir dich nüme bi eus hend und vermissed dich mega fescht. Es vergaht kei Stund wo mir nöd a dich denked, mer het s Gfühl niemeh glücklich z werde. Du bisch eifach einzigartig gsi..mit dine lustige Liegeposene hesch eus immer zum Lache bracht, dis Schlafplätzli bi eus im Bett wo dich immer so breit gmacht hesch dass mir fascht kei Platz meh gha hend und under s Bett dini erfolgriich Büüti hesch müsse platziere, dis luute Miaue wennd inecho bisch und wehe mir hend dich nöd begrüesst, dis Chrägli wo immer blitzblank het müesse sii, alles hesch müsse aknabbere, immer mini Malschwämmli gjagt, dini liebenswürdig Art und dini reini Seel..eifach ALLES a dir. Mir hend dir versuecht s Bescht mögliche Lebe z büte. Du bisch so gern dusse gsi wo dich hesch chöne ustobe, du wärsch nöd glücklich gsi es lebelang dine igsperrt.
Du bisch über d Regebogebrugg mit vielne andere Tier und dörfsch jetzt ufere grosse grüene Wiese dini Müsli und Vögeli jage.
Danke dass du euses Lebe berichered hesch. Au wennd chli en Angsthaas gsi bisch, det wo du jetzt bisch musch kei Angst ha, denn mir sind immer da, du bliebsch für IMMER i eusem Herz. Mir sind eus sicher dass mir eus irgendwenn im Paradies wieder gsehnd.
Mir werded dich immer liebe <3 dini Desi und Carlo
Louie 04.11.2019 – 12.08.2021
