Vor 15 Jahr han ich dich gfunde, mit verchläbte Auge und zuene Nase, bis uf d Choche abgmageret, verlnachlässigt vo dinere Mueter. Mir händ mitenand ums Läbe kämpft und 15 Jahr gwunne. Trotz dim Handycap, em chronische Chatzepfnüsel und nur mit eim Aug, häsch du dis Läbe mit volle züg gnosse. Mir händ mitenand e ganz spezielli und intensivi Beziehig gha, wänn häsch chöne uf minere Schultere sitze und mit mir schmuse, oder uf em Sofa ganz nöch bi mir si, bisch eifach zfride gsi. Bisch immer da gsi wäni hei cho bin und häsch mich schritt und tritt verfolgt. Mit em Alter händ au dini gebräche zuegnah, aber dä Läbenswille häsch nie verlore bis am Schluss häsch kämpft, bisch eso es starks Büsi gsi. Du glaubsch gar nöd wie ich dich vemisse, du fählsch a jedem Egge, dini Chörbli und s Sofa isch eifachläär. Danke für dini gränzelosi Liebi, die wunderschöni, intensivi Zyt mit dir, ich wird dich nie vergässe, so öbis wie du gsi bisch wirds nie meh gä. Machs guet und villicht gsend mir eus ja irgendwänn wieder.
In inniger Liebi
Gaby
Nelly, mis Furtzerli 05.2007 – 01.06.2022
