Indira 10.10.2017 – 01.12.2019

Liebi Indira
mir hend kurz vor dinere Geburt (4Tag) dis Mami dörfe überneh. Leider isch das Mami sehr schlecht zweg xi und daher du sicher au unterernährt xi im Buuch. Du bisch aber e Kämpferin xi, erscht paar Tag alt und scho hesch müese serschte mal is Tierspital, mir hend das aber zämä mit viel Kraft gschaft. Chum isch e bizli liechter worde für dich, het dis Mami leider müese über Regebogebrugg, au sie isch e tapferi Kämpferin xi. Tierärzt hend eus nid viel Chance geh, das es du schafsch, hesch es aber trotzdem gschaft. Du hesch vo niemertem wele trinke, usert bi mir us de Hand. Mir hend das sehr gern uf eus gno und hend mit wenig schlaf mit die zämä kämpft. Du bisch es richtigs luusmeiltli worde, bisch überall usbüxst das mir hend müese neu Haage :-) Aber bisch au de Star xi vom ganze Dorf, ali hend dich kennt und sind dich go bsueche cho, mit dinere Geburtsgrössi vo nur 28cm bisch ganz was spezielles xi. So viel lüüt hend mich unterwegs bim spaziere gfrögt eb du würkli es Pony bisch. Viel mal hesch müese für Lüüt posiere, wils unbedingt es Foti hend wele. Aber Liebi zu dir isch riseig xi, du hesch eus sooo viel geh. Leider hesch du nur dörfe 2 Jahr bi eus si und den hesch de Kampf nachere Wuche intesiv station am 01.12.2019 ufgeh. Mir hend tolli 2 Jahr dörfe mit dir verbringe, mit freud, Liebi, kämpfe und viel lerne. Jetzt bisch wieder bi dim Mami, mir hoffet du chasch es jetzt richtig gniesse mit ihre. Mir vermisset dich sehr euses chline herzige Schutzengeli, du wirsch immer i eusem Herze bliiebe..