Schnurrli 31. März 2023

Liäbi Schnurrli
Du häsch imene Stall glebt, mehrheitlich uf dich elei gschtellt, als ich dich känneglernt ha. Mit öppe zwei jährig han ich dich bi mir ufgnoh, will dä Stall abgisse worde isch. Am Afang han ich dich echli langwilig gfunde, eifach so äs Tigerli, aber dänn häsch du mis Härz eroberet. Ich han immer mehreri Chatze wölle, aber du häsch mich überzügt, dass du elei mit mir si wilsch und jede Versuech ä anderi Chatz bi mir ufzneh isch gscheiteret. Au sJunge wo du vor 14 Jahr bi mir gebore häsch, isch sofort nach de Geburt gschtorbe. Du bisch ganz e eifachi Chatz gsi, wo mir nie Problem gmacht hät. Du bisch i dene 15 Jahr wo du bi mir gsi bisch nur eimal über d Strass gange, ich han nie müesse Angst ha um dich. Du bisch immer da gsi wänn ich heicho bi, häsch mich in Garte oder zu dä Schaf und Hüehner begleitet, häsch mit mir Fernseh glueget, bisch sofot zspringe cho wenn ich din Namä grüeft ha und häsch immer bi mir im Bett gschlafe. Du bisch vom Dach gheit, wil du dMarder vertriebe häsch, dä Fuchs hät dich mit 6 Biss glöcheret, alles isch wieder guet cho, aber dä Tumor im Muul isch so agressiv gsi, dass ich dich ha müsse gah la.
Ich vermiss dich sehr!