Herzallerliebste Gina, mis Häxli
Du fählsch mir so sehr. Ich dänke a dich und wett sooo gärn dis sametweichä Fäll schtriechlä, mit dir schpielä, dir zfässe gäh, dich bim schlafä beobachtä. Jetz wartet niemer meh uf mich weni heichumä. Niemer stupst mich am früenä Morgä mit sim Pfötli adr Nasä und seit: Ufschtah, ich wott zfrässe.
Gina du hesch mir dini Liebi uf dini ganz spezielli Art zeigt und di Tod het mi so uberwartet troffä. Niä hät i dänkt, dass du mit nur 1,5 Jahrä überfahrä wirsch und dis jungä Chatzäläbe so früeh muesch anegäh.
Am 4.4.22 hemmer no mit eme Grashalm gschpielt midenand, ich ha dich gschtriechlet und dir zfrösse gäh. Du bisch usem Chatzetürli use und gli druf abä hani es Telefon vo dr Polizei übercho, sie heidä e toti Chatz ufgläse. Imene Abfallsack hend sie dich verbibracht, und ich ha chönne es letschts Mal dis weichä Fäll dörfeschtriechlä. Du bisch immer no so weich gsi und hesch di gar nid tot agfüehlt.
Ich vermissä di Gruch, dini Neugier, dini unböndigi Löbesfröid und dini unfassbari Präsenz.. Du hesch mir soviel gäh und mis Läbe läbenswärt gmacht. Soo gärn hätti no vieli Jahr wellä mit dir zämesi. Mis Gina Häxli ich lieb di unändlich.