Nur 2 Jahr nach Dine Ladies, Missy und Ninja, häsch au Du dörfe überd Regäebogebrugg gah. Du fählsch so sehr, bisch doch die letschte fascht 12 Jahr immer um oise ume gsi.
Als Baby hät Dich dä Buur wellä mit dä Schuufle erschlah, was e gueti Seel verhinderet hät. Mitem Name Mausi bisch dänn als Buebeli scho nöd gad z'friede gsi und mer hät Dich i Maiky umtauft. Mit 5i häsch dörfe zu ois cho und viel Quatsch, ois glücklich gmacht und non-stopp gfrässe . Dä Name Eightball isch wohlverdient gsi mit 7.5kg. Immer wieder häschdi vo chline und grosse Bebes erholt und häsch sogar 5 Jahr lang de Diabetes d'Stirn botte. Doch am Schluss häsch eifach nümme möge und mir händ Dich mitme riese Stuck vo Oisne Herze müesse gah lah. Jetzt chasch wieder d'Schneeflocke fange und mit Dine Ladies schmüsele.
Mir werded Dich immer i oisem Herze bhalte und danked für die schöni Ziit mit Dir.
Maiky/Buebli – oise Eightball (2015-2021)
