Missy – oisi Zuckermuus (14j.)

Nacheme schwere, schmerzhafte lange Läbensabschnitt, hät Dich oisi Tierärztin vor einige Jahr vorem ischlöfe gretted. Bisch am Bsitzer eifach ufde Wecker gange……
Ide glieche Nacht no bi ois acho, hämmer d’Zerstörig gseh, wo agrichtet worde isch. Dure grossi OP hämer wenigstens dies falsch zämegwachsne Chnüh chöne einigermasse bewegbar mache.
Anschienend häsch nonig gnueg glitte gha und es isch Zucker dezue cho. Aber weder Du no mir händ ufgäh unds tatsächlich mit viel Geduld gschafft Dich wieder is Läbe zrugg z’bringe.
Mit Büsio (Physio und Kinesologie für Tiere) und viel chline Sächeli wo Dir Froid gmacht händ, häsch Du jede Tag meh Vertraue und Froid zeigt und bisch so glücklich gsi.
Doch leider gaht nöd immer alles so wiemer gern wet und nach 2 Nächt kämpfe und liede, hämmer Dich müesse gah lah.
Mir sind so truurig, dass Du nüme dörfsch im strömende Räge ide Wiese liege, umerolle chasch und debi mit jedem Gänseblümeli schmüssele dröfsch.
Mir hoffed, dass Du im Himmel e grossi schöni Wiese gfunde häsch, wo Du ohni Schmerze, Behinderig und Zucker dörfsch umeränne.
Mir bhalted Dich immer i oisem Herze oisi chli Zuckermuus. Tanja & Ueli