PUMA November 2004 – Januar 2023

Liebe Puma
Mir hei soooo fescht Freud gha a Dir!!! Bisch üsi Kampfchatz gsi,…bis am Schluss…
Leider isches Dir när nach 18 Jahr nüme guet gange u mir hei mit schwärem Härze müesse Abschied näh.
Du fäusch üs a jedem Egge! We mir aube mit em Outo si Hei cho, da bisch Du üs immer id Garage nachegloffe um üs abdshole. Eigentlech bisch üs überau nachegloffe! Hesch wöue derbii si. Du bisch es Familiemitglied gsi. I meine immer no, dass ig Di ade Bei gspüre oder dass Du ume Egge chunnsch…Bim Hei fahre isches immer no so, dass ig luege, wo Du bisch, bis mir i Sinn chunnt: ah neeei…dr Puma wird nie meh cho … :-(
Mir si fescht truurig aber ou dankbar, dass Du so treu bi üs bliibe bisch, au die 18 Jahr.
Danke Puma!
Mir wünsche dir e gueti Reis u bis irgendwenn…hoffi …